Kon nos kolega Geraldine a hasi'e ku éksito!
Abo ta biba afó i ta konsiderá remigra bèk pa Kòrsou? Bo ta buskando ehèmpelnan di studiantenan ku a hasi esaki éksitosamente? Den nos blog di mas resien, nos kolega Geraldine ta kompartí su eksperensia di remigrashon bèk pa Kòrsou i ta duna algun tep kon abo tambe por hasi’é!
Sera konosí ku Geraldine
Geraldine, un di nos rekruiternan akinan na Kadanz, tin kasi 1 aña i mei ta traha serka nos. Nasé na Venezuela, Geraldine a krese i bai skol akinan na Kòrsou, i despues di a kaba su middelbare school, a disidí di bai Hulanda pa sigui ku su estudio.
Geraldine su remigrashon pa Kòrsou
Pa Geraldine, diferente faktor a hunga un ròl den su desishon pa regresá pa Kòrsou. E konekshon ku e tin ku nos isla i su famianan ku ta biba akinan a hunga un ròl grandi den esaki. Tambe Geraldine tabata mira diferente oportunidat riba merkado laboral na Kòrsou ku e kier a eksperensiá i krese den dje. Pues, ora el a kaba ku su estudio, el a tuma e desishon pa remigrá bèk pa Kòrsou.
Buska trabou na Kòrsou for di Hulanda
Un faktor ku tabata importante pa Geraldine tabata pa e haña un trabou ku ta pas kuné promé ku e muda. Pa regresá bèk, Geraldine a kuminsá buska trabou for di Hulanda na diferente manera:
- Dor di buska i nètwerk riba Linkedin
- Dor di bishitá wèpsaitnan di empleo manera Indeed
- Dor di subi wèpsaitnan di diferente kompanianan pa wak kua vakaturanan tin habrí.
Tòg Geraldine no a logra haña trabou na e maneranan aki. Via di tep di un amiga, Geraldine a inskribí su mes na Kadanz. E tim di Kadanz a kontestá Geraldine, i asina el a bin bira parti di e tim di Kadanz.
Areglonan i retonan pa ku e remigrashon pa Kòrsou
Pa remigrá for di afó, tin hopi faktor pa tene kuenta kuné, manera manda mueblesnan Kòrsou i buska e dokumentonan nesesario. Tambe e estilo di bida na Kòrsou por ta diferente i algu ku bo mester kustumbra kuné. E reto di mas grandi tòg pa Geraldine tabata e búskeda pa trabou dor ku hopi kompania no tabata dune e oportunidat pa solista for di afó. Dor ku Kadanz si tabata brinda e servisio aki, Geraldine tabatin e oportunidat pa haña un trabou ku ta pas kuné na Kòrsou promé ku el a regresá bèk.
Pa konkluí, Geraldine ta kompartí 2 tep, kon abo por hasi bo remigrashon pa Kòrsou mas fásil ku ta posibel:
1. Hasi uso di bo nètwerk: Asina bo por sera konosí ku e merkado laboral na Kòrsou i sa kiko ta biba riba e merkado.
2. Inskribí na Kadanz: Nos tim na Kadanz por yudabu pensa tokante di tur e posibilidatnan ku tin riba merkado, ya asina bo por haña e trabou ideal pa abo.
Abo tin mas pregunta kon Kadanz por yudabu haña e trabou ku ta pas kubo na Kòrsou? Tuma kontakto ku nos tim via di nos wèpsait, via di telefòn òf via dia E-mail i Kadanz ta pará kla pa yudabu haña e match korekto!
